फ्रेन्ड्स इन्टरटेनमेन्ट युट्यूब च्यानलले दर्शकहरु माझ ‘सुखराइत ल्याके एलै’ बोलको थारु म्युजिक भिडियो सार्वजनिक गरेको छ । यसपटक यहि कार्तिक ८ गते पर्ने तिहार पर्व लक्षित गर्दै दर्शक नचाउन तथा मनोरंजनका लागि उक्त गीत रिलिज गरिएको जनाइएको छ ।
परम्परा र संस्कृति झल्काउनुका साथै थारु कला र संस्कृतिलाइ जगेर्ना का निम्ति यस्तो परम्परागत गीत दर्शक सामु ल्यानु गौरव महसुस भएको रचनाकार तथा गायिका अन्जली चौधरी बताउछिन् । गीत संगीत मार्फत समाजमा हिजो, आज र भोलिको अवस्था समेत राम्रो तरिकाले दर्शाउन सकिने र राम्रो संदेश प्रवाह गर्न सहयोग पुग्ने कलाकार विनोद चौधरीले बताए l गायन क्षेत्रमा नव उदाउदा गायक हेमन्त चौधरीले यस गीतमा स्वर दिएका छन् ।
गीत मेगा डिजिटल रेकरडिंग स्टुडियो झुम्कामा एरेन्ज तथा मास्टरिंग गरिएको थियो भने सावन र रविन चौधरीले छयांकन स्थानीय इटहरी-१५ झोरापटा गाउमा गरेका हुन् । आश चौधरीको निर्देश रहेको उक्त गीतमा विनोद चौधरी, नविन लेखि, सनम चौधरी, आरती धामी लगायत अन्य स्थानीय कलाकारहरुले अभिनय गरेका छन् ।
