सुनिल चौधरी
झुम्का,बैशाख ३ । भाकलमा बैगन (भण्टा) चढाउने ईटहरीको कचना महादेव थारु पुर्वजको धरोहको रुपमा स्थापित रहेको छ । प्रत्येक बर्ष सिरुवा पर्वको अवसरमा बैशाख ३ गते ईटहरी स्थित कचना मेला लाग्ने गरेको छ । यस बर्ष पनि भब्य रुपमा मेला लागेको छ ।
ईटहरी ४ स्थित रहेको कचना देवथानमा हराएको धनमाल,गाई बस्तु भेट्टाउन,शरिरमा मुसा भए कुनै उपचार नगरी कामना गर्ने र भाकलबाटै सफलता मिल्ने बिश्वास रहेको छ । घरपरिवार,बालबच्चा स्वथ्यको कामना ,गाउँघरमा अनिष्ट नहोस,सबैको रक्षा गरुनको कामना गर्दै कचना मन्दिरमा दर्शन गर्न आउनेहरुको धुईचो लाग्ने गर्दछ । कामना पुरा हुनेले बैगनको जोडी भार चढाउने चलन रहेको छ । थारुहरुले बिशुद्ध रुपमा धार्मिक आस्थाले मान्ने राजाजी देवता कचना थानमा स्थापित रहेको छ ।
गाउँटोलमा आएको संकट हटेर जाउन भन्ने आस र बिश्वासले थारु समुदाय धेरै पहिले ईटहरी ४ स्थित राजाजि ग्रामथान स्थापना गरेका हुन् । पुस्तौ देखिको थारु संस्कार अनुसार सिरुवा पर्वको अवसरमा पुजापाठगरी मेला लगाउदै आएको पुजारी केशव कुमार राजधामीले बताए । धामी पुजारी बक्लौरी टेडी टोलका हुन । उन्ले भने मेरो चार पुस्ता देखिको बाबा पुर्वजले पुजा गर्दै आएकोमा मेरो भाई र म २०५१ साल देखि दुई दाजुभाईले बिडो थामेको बताए । कचना मन्दिरमा परमपरा देखि चल्दै आएको थारु संस्कार अनुसार पुजापाठ केहि गैर थारुहरुले हटाउन खोजेको उन्ले गुनासो गरेका छन् । पुर्वजकै पालादेखि बलि दिने चलन रहेपनि गैर थारुहरुले बलि चढाउन नहुने भन्दै विवाद पनि भएको बताए । यस्तै रह्यो भने यहाबाट थारु संस्कार समाप्त भएर जाने धामीले बताए । यसकालागी स्थानिय थारुहरु अडिग भएर बस्नु पर्ने सुझाव समेत दिए ।
थान तथा मन्दिरलाई चौधरी टोलका थारुहरुले संरक्षण गर्दै आएको छ । उनीहरुकै संयोजकत्वमा प्रत्येक बर्ष मेला लाग्ने गर्दछ । कचना थान संरक्षण समितिको सदस्य समेत रहेकी सुसिला चौधरीले पनि कचना थानबाट थारु संस्कार अनुसार पुजापाठ हुन नदिन चलखेल भैरहेको बताईन् । यस बर्ष पनि थारु परमपरा अनुसार पुजा चलाई रहदा गैर थारुबाट बिरोध आएको बताए । यसहाबाट पनि थारु संस्कार परमपरालाई बिस्थापन गर्ने सोच पलाएको हुन सक्ने चौधरीले बताईन् । तर कुनै पनि हालतमा आफनो पहिचार र संस्कार नछोड्ने महिला सभा केन्द्रिय सचिव तथा कचना संरक्षण समिति सदस्य चौधरीले प्रतिबद्धता गरिन् । शुसिला चौधरी स्थानिय ईटहरीको चौधरी टोल निवासि हुन् ।
स्वच्छ मनले भाकल गरे मनोकामना पुरा हुने जनबिश्वास रहेको ईटहरी निवासी थारु महिला सभा केन्द्रिय सचिव सुुसिला चौधरीले जानकारी दिएकी छन् । सो मन्दिरमा धेरै पहिले देखिनै एउटा शिला रहेको छ । जुन धार्मिक आस्थाले त्यस स्थानमा रहिरहेको छ । शिलाको छुटै महव रहेको छ । शिलामा जोडी बैगन चढाएर ढोग गरे दुःख कष्ट नास हुने जनबिश्वास रहेको छ । मेला लाग्ने दिन बिहानै पुजागरी भाकल चढाउने कार्य सुरुहुने महिला सभा केन्द्रिय सचिव चौधरीले बताईन् ।
कचना मेला पहिले ठुलो क्षेत्रमा लाग्ने गरेको थियो । तर अतिक्रमण र मिचाईले साधुरो ठाउँमा मेला लाग्ने गर्दा दर्शन गर्न आउनेहरुलाई सास्ती हुने गरेको छ । सो कचना मन्दिरकालागी ऐलानि जग्गा रहेको थियो । स्थानियहरुका अनुसार ईटहरीका आर्मि क्याम्प र खानेपानि ट्याङ्कीका समितिहरुले अतिक्रमण गर्दै केहि सिमित क्षेत्र मात्र रहेकोले साघुरो हुन गएको स्थानियहरुले जानकारी दिए ।

  

तपाईको प्रतिक्रिया

All-station-ID-radio-amdhuni-91.9-mhz-final-by-aashif-tharu.mp3 Download Listen
sabda sangeet final by aashif tharu falgun 15 Download Listen
sabda sangeet falgun 8 final Download Listen
sabsa sangeet 2075 baishak 12 Download Listen
कार्यक्रम शब्द संगित चैत्र २८ Live Download Listen
Ramdhuni IDOL bhadra ra Ashoj ko Final ashoj 28 Download Listen
Ramdhuni Idol Magh 26 final round Download Listen
prem ke sanesh new episod Download Listen
रामधुनी बहसमा फिल्मकर्मीहरु संगको कुराकानी Download Listen