16142884_1390931880978336_7356085782340898193_nसुनिल चौधरी
झुम्का,माघ । सुनसरीमे अख्नोतक ग्रामिण महिलासव जनचेतनाके आभावकेकारण महिला हिंसा दिन दिने बढ्ते ज्यारहल छै । महिला सवमे आत्म निर्भरताके अभावके कारण समाजमे बौहोत किसिमके महिला हिंसा बढ्ते ज्यारहल् महिला अगुवासब बताईल्कै ।
“आबु आबु थारु महिला अगा, नै सहबै आब दुब्यवहार और हिंसा” नाराके साथ महिलासबमे हैबला दुरब्यवहार और हिंसा अन्त्यहैले पर्लै सन्देश दैत सुनसरी रामधुनी नगरपालिकाके झुम्कामे ६ दिनके माघि महोत्सव २०७३ सम्पन्न करल्कै । थारु महिलासवके अगुवाईमे थारु संस्कारमे लोप भ्यारहल् पौराणिक परम्परागत् सामाग्री प्रदर्शनिके साथे आत्म निर्भरता और नेतृत्व विकासकेलेल पौष २९ गतेसे माघ ५ गतेतक् मनाईल्कै ।
थारु महिला उत्थान समाज रामधुनीभासी सुनसरीसे आयोजना भ्याल्् महोत्सवके स्टलसवमे थारु परिकार घोगी,झुना,सिध्रा,बगीया,भक्का,पेरवा और हसाँके मासु बिक्रि बितरण करल्कै । तैहनङ्ग थारु समुदायमे विवाहके बिधब्यवहार कैरहल मरुवा घर,मौर,खरखरीया आ भेषभुषामे सज्याल् जाल डेली बोकल आकर्षक थारु महिलाके मुर्ति, ढेकी, बैलगारी, औखरी, मुसरा,बेना,पटिया लगायत सामाग्रीसव संग्राहलयके रुपमे प्रदर्शनि करने छेलै । महोत्सवके कार्यक्रममे पौराणिक धुम्रानाच,थारु भेषभुषामे नृत्य, झुमैर,जट जाटिनके प्रस्तुत करने छेलै ।
महोत्सवके समुद्धघाटन थाकस केन्द्रिय प्रशिक्षण बिभाग प्रमुख राजकुमार लेखी कर्ने छेलै । उद्धघाटन करैत अधिकारके सवालमे आदिवासी जनजातीसवके साशकसव फेनसे ठैग रहलासे सबझन मिल्के बिरोध करैले पर्तै कैह्के लेखी बताईलकै । तैहनङ्ग रामधुनी नगरपालिकाके सामाजिक बिकास शाखा प्रमुख हर्षलाल चौधरी महोत्सवके समापन करैत पहिचान जोगावैकेलेल थारुमहिलासवके नेतृत्वमे ६ दिनके महोत्सव सफल पुर्वक सम्पन्न भेल्के धन्यवाद देलकै । रामधुनी नगरके पर्यटन विकासकेलेल समेत महोत्सवके उल्लेख्य भुमिका रहलासे चौधरी सवदिसरसे संस्थाके सहयोग हेतु अपिल कर्लकै ।
महोत्सवबाटे संकलन कर्ल रकम महिला हिंसा बिरुद्ध जनचेतना,कला, संस्कृति संरक्षण,प्रभावित महिलासवके सहयोग,सिप विकास और नेतृत्व बिकासकेलेल खर्च कर्ल जेतै कैह्के थारु महिला उत्थान समाज रामधुनीभासि संस्थाके अध्यक्ष सिता चौधरी बताईल्कै । संस्थाके उपाध्यक्ष बिमला चौधरी, कोषाध्यक्ष आशा चौधरी,सचिव रन्जिता चौधरी, सह–सचिव लिली चौधरी लगायत १३ सदस्य समितिरहल छै ।

तपाईको प्रतिक्रिया

रामधुनी आईडलको यस शनिबार श्रावण ३१ गतेको फाइनल राउण्डमा कला चाम्लिङ् राई विजेता Download Listen
कार्यक्रम मेरो अभिव्यक्ति, प्रत्येक शनिबार दिउँसो २ बजेदेखी ३ बजे सम्म Download Listen
कार्यक्रम के म तिम्रो साथी बन्न सक्छु Download Listen
Ramdhuni Samachar of 3 pm Download Listen
“मेरो अभिव्यक्ति” एपिसोड-३ नबिन, खगेन्द्र सुब्बा जी को साथ Download Listen
“मेरो अभिव्यक्ति” एपिसोड-२ नबिन, बिष्णु चौधरी जी को साथ Download Listen
“मेरो अभिव्यक्ति” एपिसोड-१ हेमन्त/नबिन दिनेश जी को साथ Download Listen
All-station-ID-radio-amdhuni-91.9-mhz-final-by-aashif-tharu.mp3 Download Listen
sabda sangeet final by aashif tharu falgun 15 Download Listen